წესები და პირობები

ბოლო განახლება: 2026 წლის 11 აგვისტო

გთხოვთ, ყურადღებით გაეცნოთ წინამდებარე წესებსა და პირობებს. ანგარიშის შექმნით ან/და სერვისის შეძენით თქვენ ადასტურებთ, რომ სრულად ეთანხმებით აღნიშნულ პირობებს.

1. ჩვენ შესახებ

წინამდებარე ვებ-გვერდსა და მობილურ აპლიკაციას (შემდგომში: „პლატფორმა“) მართავს კომპანია შპს Simio (ს/კ 454413750, იურიდიული მისამართი: ს.ახმეტელის ქუჩა 2ბ, თბილისი, საქართველო; შემდგომში: „კომპანია“ ან „ჩვენ“). ჩვენი მიზანია მომხმარებლებს შევთავაზოთ ინოვაციური, სწრაფი და საიმედო ციფრული სერვისები, მათ შორის eSIM ტექნოლოგიაზე დაფუძნებული საერთაშორისო ინტერნეტპაკეტები.

Simio-ს მობილური აპლიკაციები App Store-სა და Google Play-ზე განთავსებულია ჩვენთან აფილირებული კომპანიის, Simio OÜ-ს მიერ (სარეგისტრაციო კოდი: 16972090; იურიდიული მისამართი: Narva mnt 5, Kesklinna linnaosa, Tallinn, Harju maakond, ესტონეთი). Simio OÜ უზრუნველყოფს მხოლოდ აპლიკაციების დისტრიბუციას. ზემოაღნიშნული შპს Simio რჩება იმ მხარედ, რომელთანაც თქვენ დებთ ხელშეკრულებას, წარმოადგენს eSIM ინტერნეტპაკეტების გამყიდველს და იმ მერჩანტს, რომელიც მითითებული იქნება თქვენი ბანკის ან ბარათის ამონაწერში.

2. ტერმინთა განმარტება

• პლატფორმა: კომპანიის კუთვნილი ვებ-გვერდი ან/და მობილური აპლიკაცია.
• მომხმარებელი / მომსახურების მიმღები: ნებისმიერი ფიზიკური ან იურიდიული პირი, რომელიც რეგისტრირდება პლატფორმაზე ან/და სარგებლობს კომპანიის მიერ შეთავაზებული სერვისებით.
• სერვისი / პროდუქტი: პლატფორმაზე წარმოდგენილი ნებისმიერი მომსახურება, მათ შორის eSIM ინტერნეტპაკეტები.
• eSIM: ელექტრონული სიმ-ბარათის ტექნოლოგიაზე დაფუძნებული მობილური ინტერნეტის სერვისი.
• QR კოდი: პერსონალური ციფრული კოდი, რომლის სკანირებითაც ხდება eSIM-ის ინსტალაცია და გააქტიურება თავსებად მოწყობილობაზე.

3. სარგებლობის პირობები

3.1. ზოგადი აღწერა

Simio წარმოადგენს eSIM ტექნოლოგიაზე დაფუძნებულ მობილური ინტერნეტის სერვისს, რომელიც მომხმარებლებს აძლევს შესაძლებლობას შეიძინონ და გამოიყენონ ინტერნეტპაკეტები მათთვის თავსებად მოწყობილობებზე.

3.2. მესამე მხარის პროვაიდერი

გაცნობებთ, რომ სერვისს უზრუნველყოფს მესამე მხარე, საერთაშორისო პროვაიდერი (eSIM Go Limited), რომელიც მობილური კომუნიკაციების მსოფლიო სისტემის (GSMA) წევრი და სერტიფიცირებული კომპანიაა.

3.3. პაკეტის შევსება

Simio საშუალებას გაძლევთ ნებისმიერ დროს დაამატოთ ან შეივსოთ გიგაბაიტები (GB).

3.4. სერვისის შეზღუდვები და გადაუდებელი ზარები

• ინტერნეტპაკეტები განკუთვნილია მხოლოდ ინტერნეტის მოხმარებისთვის.
• Simio არ უზრუნველყოფს ხმოვან ზარებსა და SMS შეტყობინებებს. ამ ფუნქციების გამოყენება სერვისით შეუძლებელია.
• 3.4.1. გადაუდებელი ზარები: Simio-ს eSIM-ით ვერ დაუკავშირდებით გადაუდებელი დახმარების სამსახურებს (მათ შორის 112, 911 ან სხვა ადგილობრივ ნომრებს). მოგზაურობისას ყოველთვის იქონიეთ ალტერნატიული საშუალება გადაუდებელი ზარის განსახორციელებლად.

3.5. პაკეტების გაზიარება / გადაცემა

• 3.5.1. პაკეტის შეძენის შემდეგ, შეგიძლიათ გააზიაროთ eSIM-ის QR კოდი სხვა პირთან.
• 3.5.2. QR კოდის გაზიარების შემთხვევაში, პაკეტი სრულად გადადის მესამე პირზე და თქვენ ვეღარ შეძლებთ ამ პაკეტით სარგებლობას.
• 3.5.3. QR კოდის გაზიარება თქვენი პასუხისმგებლობაა.

3.6. მოწყობილობის თავსებადობა

• 3.6.1. სერვისის გააქტიურებისთვის აუცილებელია მოწყობილობა, რომელიც მხარს უჭერს eSIM ტექნოლოგიას და არ არის დაბლოკილი კონკრეტულ ოპერატორზე (SIM Lock).
• 3.6.2. თუ თქვენი ტელეფონი eSIM-ის მხარდაჭერას არ იძლევა, Simio ვერ გააქტიურდება.
• 3.6.3. ასეთ შემთხვევაში, თანხის დაბრუნების საკითხზე განაცხადის შესატანად შეგიძლიათ მოგვწეროთ აპლიკაციის მხარდაჭერის განყოფილებიდან ან დაგვიკავშირდეთ ელფოსტაზე: support@simio.to წინამდებარე წესების 3.10 პუნქტით (თანხის დაბრუნების პოლიტიკა) დადგენილი პირობებისა და შეზღუდვების შესაბამისად.

3.7. გააქტიურების პირობები

• 3.7.1. Simio-ს გააქტიურებისთვის აუცილებელია სტაბილური Wi-Fi ან მობილური ინტერნეტკავშირი.
• 3.7.2. სასურველია, eSIM წინასწარ, ქვეყნის დატოვებამდე გაააქტიუროთ და მოწყობილობის პარამეტრებში წინასწარვე ჩართოთ მონაცემთა როუმინგი (Data Roaming). ამ შემთხვევაში, დანიშნულების ადგილზე ჩასვლისთანავე თქვენი მოწყობილობა ავტომატურად დაუკავშირდება ადგილობრივ ქსელს.

3.8. გადახდის საშუალებები

Simio-ს შეძენა შესაძლებელია როგორც ქართული, ისე უცხოური VISA და Mastercard საბანკო ბარათებით (სადებეტო/საკრედიტო), ასევე Apple Pay-თა და Google Pay-თ (საგადახდო პროვაიდერი: Tpay LLC / Flitt).

3.9. მხარდაჭერა და კომუნიკაცია

• 3.9.1. ტექნიკური ან სერვისული დახმარებისთვის შეგიძლიათ ნებისმიერ დროს მოგვწეროთ აპლიკაციის მხარდაჭერის განყოფილებიდან ან დაგვიკავშირდეთ ელფოსტაზე: support@simio.to
• 3.9.2. მხარდაჭერის გუნდი უზრუნველყოფს დახმარებას გააქტიურების, გამოყენებისა და სხვა ტექნიკურ საკითხებზე.

3.10. თანხის დაბრუნების პოლიტიკა

• 3.10.1. თანხის დაბრუნება შესაძლებელია მხოლოდ და ექსკლუზიურად იმ შემთხვევაში, თუ დაკმაყოფილებულია ორივე ქვემოთ ჩამოთვლილი პირობა:
  • eSIM იმყოფება „გაუაქტიურებელ“ სტატუსში (ანუ მომხმარებელს არ დაუინსტალირებია/არ გაუაქტიურებია eSIM პროფილი მოწყობილობაში);
  • შეძენის მომენტიდან არ გასულა 30 კალენდარული დღე.
• 3.10.2. შეზღუდვა გააქტიურების შემდეგ: eSIM-ის მოწყობილობაში დაინსტალირების/გააქტიურების წამიდან სერვისი ითვლება გამოყენებულად და თანხა აღარ ექვემდებარება დაბრუნებას, მათ შორის იმ შემთხვევაშიც, თუ მოწყობილობა აღმოჩნდა eSIM-თან შეუთავსებელი, ოპერატორზე დაბლოკილი (SIM Lock), ან მომხმარებელმა გადაიფიქრა სერვისის გამოყენება.
• 3.10.3. მოქმედების ვადა: 30-დღიანი საგარანტიო ვადის გასვლის შემდეგ, ან eSIM-ის პაკეტის მოქმედების ამოწურვისას (ხოლო თავად eSIM პროფილის აქტიურობა ბოლო შევსებიდან 365 დღემდეა), დარჩენილი და გაუხარჯავი ინტერნეტბალანსის თანხა დაბრუნებას არ ექვემდებარება.
• 3.10.4. დაბრუნების ვადა: მოთხოვნის დამტკიცების შემთხვევაში, თანხა დაბრუნდება გადახდის თავდაპირველ მეთოდზე (ბარათზე/ანგარიშზე) 14 კალენდარული დღის განმავლობაში.

3.11. უსაფრთხოება და პასუხისმგებლობა

• 3.11.1. QR კოდი წარმოადგენს აქტივაციისთვის პერსონალურ ინფორმაციას. მისი გაზიარება წარმოადგენს მომხმარებლის პასუხისმგებლობას.
• 3.11.2. ჩვენ არ ვართ პასუხისმგებლები:
  • მესამე პირის მიერ QR კოდის გამოყენებაზე;
  • მომხმარებლის მოწყობილობის ტექნიკურ მდგომარეობასა და უსაფრთხოებაზე;
  • Roaming / ადგილობრივი ოპერატორის შეზღუდვების გამო დაკარგულ ან შეზღუდულ ქსელურ ხელმისაწვდომობაზე.
• 3.11.3. გაითვალისწინეთ, რომ თუ თქვენ eSIM-ს წაშლით თქვენი მოწყობილობიდან, ვეღარ შეძლებთ მის ხელახალ გააქტიურებას. ასეთ შემთხვევაში, საჭიროა შეიძინოთ ახალი eSIM.

3.13. სერვისის კეთილსინდისიერად გამოყენება (Fair Usage)

• 3.13.1. დაუშვებელია სერვისის გამოყენება უკანონო მიზნებისთვის, პაკეტების კომერციული გადაყიდვისთვის, მასობრივი შეტყობინებების (სპამის) გასაგზავნად ან SIM-box მოწყობილობებში.
• 3.13.2. ულიმიტო პაკეტები: ულიმიტო ინტერნეტპაკეტებზე შესაძლოა მოქმედებდეს სიჩქარის მართვის პოლიტიკა. დღიური/პერიოდული მაღალი სიჩქარის ლიმიტის ამოწურვის შემდეგ, ინტერნეტის სიჩქარე შესაძლოა შემცირდეს პერიოდის დასრულებამდე (ინტერნეტი არ გაითიშება).

4. პლატფორმებზე რეგისტრაცია, ანგარიშის (პროფილის) გახსნა, მართვა და დახურვა

• 4.1. სერვისებით სარგებლობისთვის მომხმარებელმა უნდა გაიაროს რეგისტრაცია პლატფორმაზე და შექმნას პერსონალური ანგარიში (პროფილი).
• 4.2. მომხმარებელი ვალდებულია რეგისტრაციისას მიუთითოს უტყუარი და ზუსტი მონაცემები.
• 4.3. მომხმარებელი პასუხისმგებელია თავისი ავტორიზაციის მონაცემების კონფიდენციალურობის დაცვაზე.
• 4.4. მომხმარებელს უფლება აქვს ნებისმიერ დროს დახუროს/გააუქმოს საკუთარი პროფილი მობილური აპლიკაციის პარამეტრებიდან
• 4.5. კომპანია იტოვებს უფლებას შეზღუდოს ან დახუროს ანგარიში, თუ მომხმარებელი დაარღვევს წინამდებარე წესებს ან განახორციელებს თაღლითურ ქმედებას.

5. პროდუქტის / სერვისის ღირებულების გადახდა

• 5.1. პლატფორმაზე მითითებული ყველა ფასი მოცემულია საქართველოს ეროვნულ ვალუტაში (ლარი - GEL) ან შესაბამის უცხოურ ვალუტაში (დღგ-ის ჩათვლით, ასეთის არსებობისას).
• 5.2. გადახდა ხორციელდება უნაღდო ანგარიშსწორებით, ავტორიზებული საგადახდო სისტემებისა და საბანკო ბარათების (VISA, Mastercard, Apple Pay, Google Pay) მეშვეობით (Tpay LLC / Flitt).
• 5.3. ტრანზაქციის წარმატებით დასრულების შემდეგ მომხმარებელს ეგზავნება დადასტურება და შესაბამისი ციფრული პროდუქტი.
• 5.4. ვალუტის კონვერტაცია: ყველა ანგარიშსწორება საბოლოოდ სრულდება ლარში (GEL). თუ თქვენი საბანკო ანგარიში სხვა ვალუტაშია, თქვენი ბანკი განახორციელებს კონვერტაციას საკუთარი კურსით და შესაძლოა დაგერიცხოთ უცხოური ტრანზაქციის საკომისიო, რაზეც კომპანია პასუხს არ აგებს.

6. პროდუქტის დაბრუნების / სერვისის გაუქმების პოლიტიკა და მომსახურების მიმღების გარანტია

• 6.1. ციფრული პროდუქტების სპეციფიკიდან გამომდინარე, პროდუქტი/სერვისი ითვლება მიწოდებულად მომხმარებლის ანგარიშზე (პლატფორმაზე) ასახვის მომენტიდან.
• 6.2. თანხის დაბრუნების პირობები დეტალურად არის გაწერილი მე-3 პუნქტში (სარგებლობის პირობები).
• 6.3. ტექნიკური ხარვეზის შემთხვევაში, რომელიც გამოწვეულია კომპანიის ან კომპანიის საერთაშორისო eSIM პროვაიდერის (eSIM Go Limited) მიზეზით, რამაც შეუძლებელი გახადა სერვისით სარგებლობა და აღნიშნული ხარვეზი დადასტურებულია კომპანიის მხარდაჭერის სამსახურის მიერ, მომხმარებელს გარანტირებული აქვს პროდუქტის/სერვისის ჩანაცვლება ან თანხის დაბრუნება.

7. ცვლილებების შეტანა

• 7.1. კომპანია უფლებამოსილია ნებისმიერ დროს ცალმხრივად შეიტანოს ცვლილებები წინამდებარე წესებსა და პირობებში.
• 7.2. განახლებული პირობები ძალაში შედის პლატფორმაზე გამოქვეყნებისთანავე. მომხმარებლის მიერ პლატფორმით სარგებლობის გაგრძელება ითვლება ცვლილებებზე თანხმობად.

8. პრეტენზიები და დავების გადაწყვეტა

• 8.1. ნებისმიერი კითხვის, გაუგებრობის ან პრეტენზიის შემთხვევაში, გთხოვთ, პირველ რიგში დაგვიკავშირდეთ ელფოსტაზე: support@simio.to. ჩვენი გუნდი მზადაა ოპერატიულად დაგეხმაროთ ნებისმიერი საკითხის მოგვარებაში.
• 8.2. უშუალოდ საგადახდო ტრანზაქციებთან დაკავშირებული საკითხების დასაზუსტებლად, ასევე შეგიძლიათ მიმართოთ ავტორიზებულ საგადახდო პროვაიდერს: Tpay LLC (Flitt) - complaints@flitt.com | (032) 500 01 02.
• 8.3. მხარეები იღებენ ვალდებულებას, წარმოქმნილი ნებისმიერი უთანხმოება გადაჭრან ურთიერთშეთანხმებისა და მოლაპარაკების გზით. შეთანხმების მიუღწევლობის შემთხვევაში, საკითხი რეგულირდება საქართველოს მოქმედი კანონმდებლობის შესაბამისად.